Os novos portátiles Asus C90 contarán con compoñentes actualizables

martes, 19 de xuño do 2007 Marcus Fernández

O fabricante de Taiwán Asus prepara un novo concepto de ordenador portátil co seu C90, que ten un deseño que permite a súa modificación de xeito doado, polo que os seus usuarios poderán modificalos como historicamente sen vén facendo cos ordenadores de sobremesa.
Deste xeito, os usuarios dos portátiles Asus C90 poderán ampliar a súa memoria, cambiar o seu procesador, substituír a pantalla LCD ou calquera outro dos compoñentes do seu equipo en poucos minutos, o que agradecerán os consumidores que non queren que o seu equipo se desfase co tempo (e así pode actualizarse paulatinamente).
O C90 soporta procesadores Core 2 Extreme ata 2,93 GHz, ata 3 Gb de RAM a 800 MHz, tarxetas gráficas compatibles MXM e distintos dispositivos de lectura/escritura ópticos, así coma discos duros.
Comezarán a venderse a nos vindeiros días, e xa hai páxinas web nas que aceptan encargos destes atractivos portátiles.

PUBLICIDADE