Overwatch supera os 10 millóns de xogadores

mércores, 15 de xuño do 2016 Marcus Fernández

A comezos de mes comentábamos que o xogo de Blizzard Overwatch estaba a converterse nun rotundo éxito, conseguindo superar os 7 millóns de xogadores nas súas versións para PC, PS4 e Xbox One, e pese a que aínda non chegou ao mes á venda, temos agora que xa excedeu os 10 millóns de xogadores, confirmando a boa recepción do que estima que sexa o título de moda durante o vindeiro verán.
A proposta de Overwatch coincidiu en moitos factores co xogo Battleborn de Gearbox, pero conseguiu eclipsalo case completamente, de xeito que o título de referencia con heroes loitando en grupos está claro, e este xogo de acción en primeira persoa consegue callar e converter aos seus personaxes en auténticas iconas.
Blizzard ten aquí un xogo comercializado mediante a fórmula de venda tradicional, polo que non podemos comparalo directamente con outros dos seus grandes éxitos como o xogo de naipes Hearthstone, que ten uns 40 millóns de xogadores, pero é free-to-play, mentres que títulos como World of Warcraft optan polas subscricións de pagamento (que chegou aos 12 millóns de subscritores, aínda que actualmente está por debaixo dos 5,5 millóns).

PUBLICIDADE