PES 2021, Injustice 2 e Torchlight III chegan ao Game Pass

martes, 5 de xaneiro do 2021 Marcus Fernández

Os Xogos con Gold que ofrece Microsoft mensualmente para os seus subscritores Xbox LIVE ten cada vez menos relevancia, centrándose os esforzos en manter un bo catálogo dentro do Xbox Game Pass, e como mostra disto temos os títulos que chegarán nas vindeiras semanas, e que son de auténtico luxo.
O vindeiro día 7 será posible gozar do eFootball PES 2021 Season Update en consola e Android (tirando da nube nesta última plataforma), do grande xogo de loita Injustice 2 en consola, PC e Android, e de The Little Acre en consola e Android; mentres que o 14 de xaneiro teremos o xogo independente Neoverse (PC), o magnífico Torchlight III (consola e Android), o prestixioso What Remains of Edith Finch (PC) e YIIK: A Postmodern RPG (PC).
Pero cómpre lembrar que o catálogo de xogos no Game Pass é limitado, polo que a entrada de novos títulos supón a saída doutros, e advirten de que o 15 de xaneiro deixarán de estar dispoñibles FTL: Faster Than Light, My Friend Pedro, Sword Art e Tekken 7.

PUBLICIDADE