Padre de Familia estreará un novo xogo móbil a semana que vén

xoves, 3 de abril do 2014 Marcus Fernández

Fox Digital Entertainment e TinyCo. van publicar o vindeiro día 10 un novo xogo móbil baseado na serie de televisión Padre de Familia, que levará por título Family Guy: The Quest for Stuff, e que quere seguir os pasos de Los SImpson: Springfield, chegando a un grande público a través da súa proposta free-to-play (poderase xogar de balde, pero poderase acelerar a progresión no xogo mediante micro-transaccións).
Este novo xogo móbil chegará para iOS e para Android, e buscará replicar o humor propio da serie televisiva, para o que os seus desenvolvedores traballaron en estreita colaboración coa Fox, contando cunha historia orixinal nos propios guionistas da serie e incluso con moitas das series orixinais da produción para a pequena pantalla.
É de agardar que este xogo sexa todo un éxito, aínda que dificilmente poderá achegarse ao conseguido polos Simpson, que superaron os 130 millóns de dólares de ingresos xerados co seu xogo móbil publicado por Electronic Arts.


Vídeo promocional do xogo

PUBLICIDADE