Portal poderá descargarse de balde ata o vindeiro martes

venres, 16 de setembro do 2011 Marcus Fernández

A tenda en liña de xogos descargables para PC Steam conta con moitos descontos habitualmente, especialmente as fins de semana, de xeito que neste momento é posible adquirir o xogo King Arthur cun 75% de desconto, como DarkSiders, que pode así adquirirse por só 5 euros, pero aínda resulta máis rechamante o feito de que o título de Valve Portal (para PC e Mac) poida descargarse de balde ata o vindeiro día 20, grazas a unha promoción chamada Learn with Portals, que anima aos colexios a ensinar física, matemáticas e enxeñaría empregando as mecánicas do xogo.
Non é a primeira vez que se defende o uso docente dos videoxogos, tanto para explicar materias tradicionais como para desenvolver outras habilidades. Utilizando Portal como ferramenta os rapaces poden empregar a lóxica, o razoamento espacial, as probabilidades, as matemáticas, a física... todo para solucionar os quebracabezas que supoñen cada unha das fases dun título que estreou secuela hai pouco, e que para moitos é un dos mellores xogos para PC de todos os tempos, polo que facerse con el de balde é unha excelente oportunidade tanto para estudantes como para calquera afeccionado ao lecer electrónico.


Reportaxe sobre unha visita estudantil ás oficinas de Valve

PUBLICIDADE