Prince of Persia contará con contido descargable

A nova entrega de Prince of Persia, pese a ser moi innovador visualmente, non convence a todos os públicos (especialmente por reducir o seu nivel de dificultade con respecto a anteriores xogos da saga), pero os partidarios deste interesante título estarán contentos de coñecer que o vindeiro 26 de febreiro contará con novos contidos descargables, como serán un epílogo do xogo (o Palacio Subterráneo), novas peles para os personaxes, novos movementos e mesmo un xefe final inédito (un cambiador de formas que pode adoptar o aspecto de dous dos inimigos do xogo: o Cazador e o Guerreiro).
Esta descarga estará dispoñible tanto para Xbox 360 como para PS3, aínda que non se publicou o prezo que terá.