Rayman Jungle Run estrea versión para Windows Phone 8
mércores, 29 de maio do 2013
En setembro do ano pasado sorprendeu o lanzamento para iOS do
xogo Rayman Jungle Run, que
tomaba o recente Rayman Origins e convertÃao
nun xogo para dispositivos móbiles que puidera controlarse con simples toques
táctiles sobre a pantalla, e finalmente este divertido xogo estréase
en Windows Phone 8 a un prezo de 2,99 euros, incluÃndo 50 niveis repartidos
en 5 mundos (con cadansúa ambientación e estilo de xogo), desafÃos
desbloqueables e a posibilidade de xogar como Rayman ou como Globox.
Deste xeito, o xogo que superou os 2 millóns de descargas entre as súas
versións para iOS, Android e Windows 8 chega a unha plataforma máis, o que
parece unha xogada pensada para crear expectación de cara ao lanzamento de Rayman Legends para Xbox 360,
PlayStation 3, PS Vita e Wii U o vindeiro verán, xogo que é de agardar que tamén
inspire outro runner móbil.
- En Rayman Jungle Run podemos tomar o rol tanto de Rayman como de Globox
Trailer da versión de Rayman Jungle Run para Windows Phone 8