Samsung prepara modelos dourados do seu GALAXY S4

xoves, 26 de setembro do 2013 Marcus Fernández

Parece que o feito de que o iPhone 5S estea dispoñible en 3 cores distintas entre as que figura o ouro está a levar a outros fabricantes a perder o pudor e atreverse tamén cun deseño tan pouco discreto, e xa están a dar conta de que Samsung prepara un par de novas versións do seu GALAXY S4 chamadas Gold Edition e que ofreceríanse cun marco dourado e unha carcasa frontal en cor marrón ou en cor rosa, levando a ousadía un chanzo máis arriba que Apple.
Polo momento Samsung limítase a promocionar estes novos smartphones para os Emiratos Árabes, polo que poderiamos estar ante un produto que só se vaia distribuír en tal mercado. Queda por ver se o terminal limítase a presentar unha aparencia dourada ou realmente ten acabados de ouro, lembrando ao Nokia Oro que en 2011 vendían por uns 800 euros (pese a ser un smartphone moi básico).

PUBLICIDADE