Samsung presenta grandes pantallas táctiles para puntos de información

xoves, 27 de novembro do 2008 Marcus Fernández

Samsung presentou en Corea as súas novas pantallas táctiles LCD da serie TS, orientadas para usos publicitarios que chegarán en tamaños de 23, 40, 46, 70 e 82 polgadas. Estas pantallas serían ideais coma puntos públicos de información, e fan uso da tecnoloxía MagicInfo, que posibilita a xestión de varias pantallas ao mesmo tempo á vez que poden presentar vídeo de grande tamaño.
Parece que chega así a fin aos puntos de información con pequenas pantallas de 15 polgadas incrustadas nun atril reforzado, para abrir a experiencia interactiva a un tipo de monitores máis próximos ás solucións de cine en casa que aos escritorios ofimáticos.

PUBLICIDADE