Samsung presenta un proxector compacto moi versátil
mércores, 5 de xaneiro do 2022
Os videoproxectores compactos gañaron popularidade nos
últimos anos, especialmente dende que poden integrar capacidades de Smart TV,
de xeito que válense por si mesmos para ofrecer contidos en pantalla grande, e
para atender á demanda deste tipo de produtos Samsung leva ao CES de Las Vegas
o seu proxector
The Freestyle.
Este novo produto integra nun único dispositivo un proxector, un altofalante
conectado e un dispositivo de iluminación ambiental, con dimensións reducidas e
un peso duns 800 gramos, polo que pode levarse a onde se precise para converter
unha superficie despexada nunha pantalla de até 100 polgadas.
The Freestyle conta con función de corrección trapezoidal automática e
nivelación automática, facendo moi doado o seu uso, para poder gozar dos nosos
contidos favoritos de servizos en streaming ou proxectados dende dispositivos
móbiles (contando tamén cunha entrada HDMI 1.4). Integra un potente altofalante
de 360 graos (apoiado por un par de woofers pasivos) e micrófono para poder
atender a control por voz (é compatible con Bixby, o asistente de Google e Alexa).
Para ser aÃnda máis práctico, é compatible con baterÃas externas, de xeito que
pode empregarse como un proxector portátil.
Pese ao seu tamaño compacto, estamos ante un proxector DLP con iluminación LED con
resolución Full HD; a súa lámpada promete unha vida de 20.000 horas de uso;
pode proxectar pantallas de entre 30 e 100 polgadas a unha distancia de entre
0,8 e 2,7 metros; ten un brillo de 230 lumenes (polo que está pensado para
estancias pechadas con pouca luz); e o seu software e a súa conectividade permÃtenlle
funcionar coma se fose un Smart TV de Samsung (funciona con Tizen).
Está
previsto que hoxe mesmo poida reservarse en España, aÃnda que o seu prezo
non será precisamente económico (nos EE.UU. custa 899,99 dólares).
VÃdeo de presentación do proxector The Freestyle