Shogo, un novo tablet baseado en Linux

luns, 31 de maio do 2010 Marcus Fernández

Ante a filosofía pechada do iPad, prepárase o lanzamento de novos tablets ao mercado coma o Shogo, previsto para finais do verán, e que consistirá nun dispositivo con pantalla multi-táctil de 10 polgadas cunha resolución de 1.024 x 600 píxeles, procesador Freescale iMX-37 e iMX-51, ata 8 Gb de almacenamento, 3G, USB, lector de tarxetas SDHC, batería cunha autonomía estimada de 8 horas, Bluetooth, Wi-Fi, cámara e sistema operativo Linux. O seu prezo debería ser duns 500 dólares.
O dispositivo busca facilitar o acceso a contidos en HTML5 e JavaScript, aínda que a finais de ano tamén incorporará soporte de Flash 10, e a súa plataforma de software está aberta aos desenvolvedores (que poderán preparar aplicacións para este tablet en C/C++ e Perl, así coma facendo uso de librarías como as QT 4.6.2).


Vídeo no que podemos ver en funcionamento un prototipo do Shogo

PUBLICIDADE