Sonic & All-Star Racing Transformed estrea versión para iOS
xoves, 2 de xaneiro do 2014
A finais de 2012 chegou a PlayStation 3, Xbox 360, Wii U e
PS Vita o xogo de velocidade Sonic &
All-Star Racing Transformed, que hai preto dun
ano estreou tamén versión para Nintendo 3DS, destacando por permitir
competir cos máis coñecidos personaxes de SEGA entre os que non só están Sonic
e os seus amigos, senón tamén outros célebres competidores como o moniño Amigo,
un condutor de Crazy Taxi e mesmo Ryo
Hazuki de Shenmue; e agora, para
comezar ben 2014, este tÃtulo estréase
en iOS a un prezo de 4,49 euros (polo que sorprende
que conte con elementos desbloqueables mediante pagamento).
O novo xogo para iOS permite elixir a 10 personaxes de lenda aos que se irán
incorporando outros en futuras actualizacións; deixa correr por terra, mar e
aire a través de pistas que cambias de xeito dinámico e nas que podemos
descubrir rutas alternativas; está optimizado para que poidamos xogar sobre a
marcha en dispositivos móbiles (á vez que contará con retos diarios e semanais
para pór a proba a nosa habilidade ao volante); e permitirá competir cos nosos
amigos tanto en liña como en modo local. Tamén pode controlarse mediante mandos
virtuais, inclinando o nosos dispositivo ou cun mando externo.
Espérase que en breve conte tamén con versión para Android.
ACTUALIZACIÓN (3-1-2014): O xogo xa está dispoñible en Google Play.
Trailer de lanzamento da versión móbil de Sonic & All-Star Racing Transformed