Super Talent leva os seus discos SSD ós 256 Gb de capacidade

A capacidade dos discos de memoria sólida (SSD) está a medrar a toda velocidade para substituír ós discos duros tradicionais en dispositivos móbiles mellorando a súa autonomía, tamaño, peso e velocidade, e o fabricante Super Talent quere ser un referente nos novos discos comercializando discos SSD de ata 256 Gb con interface SATA.
O novo disco de Super Talent de 256 Gb está dentro da gama de 3,5 polgadas, pero tamén conseguen capacidades moi importantes en tamaños reducidos, comercializando discos de 1,8 polgadas de ata 64 Gb e de 2,5 polgadas de ata 128 Gb.
Ata o momento os discos SSD de grande tamaño teñen prezos prohibitivos, polo que os fabricantes se limitan a incorporar nos seus equipos discos de ata 32 Gb, pero é de agardar que nos vindeiros meses esta tecnoloxía se popularice en portátiles como xa fixo en reprodutores multimedia.