Televés lanza un receptor de TDT que recibe o sinal de satélite
venres, 30 de outubro do 2009
Logo de sorprendernos co lanzamento de
varios dispositivos nas últimas semanas, entre os que destaca a antena de TDT
para barcos e caravanas, Televés vén de lanzar unha nova ferramenta, o adaptador
ZAS-Combo, un receptor dixital que é quen de decodificar o sinal tanto dende a
antena terrestre (TDT) como a través do satélite Hispasat (recepción xestionada
por Abertis), permitindo levar a nova televisión ata lugares que antes tiñan
certa dificultade.
A súa versatilidade convirte ao ZAS-Combo
no receptor “ideal” para aquelas
zonas de orografía complexa onde non chega a cobertura de TDT por vía
terrestre. Nestes lugares, o receptor pode captar o sinal da televisión dixital
a través do satélite e garante, deste xeito, poder disfrutar de toda a oferta
da TDT cun só dispositivo.
O novo receptor de Televés súmase á gama
de adaptadores ZAS, desenvolvidos pola compañía galega para a recepción da TDT
en calquera tipo de televisión, e caracterizados, segundo afirman, pola súa “fiabilidade, facilidade de uso, altas
prestacións e mínimo consumo enerxético”.
Ao igual que o resto dos seus
dispositivos, o novo ZAS-Combo fabrícase nas propias instalacións de Televés e
leva por elo o selo European Technology Made in Europe, como garantía de
fiabilidade e vangarda tecnolóxica.