The Empire Strikes Back de SNES chega á Consola Virtual da Wii

Os amantes dos videoxogos retro poden celebrar que este venres chega á Consola Virtual da Wii por 800 puntos (8 euros) o clásico Super Star Wars: The Empire Strikes Back de Super Nintendo, completando así o lanzamento do Super Star Wars de SNES de hai 15 días, polo que os seareiros da saga galáctica de George Lucas poderán rememorar algúns dos videoxogos máis representativos para as consolas de videoxogos domésticas.
Este título chegou á Super Nintendo en 1993 e permite empregar a Luke Skywalker (utilizando como armas a espada de luz e a pistola), a Han Solo (coa habilidade de lanzar granadas) e Chewbacca (coa habilidade de xirar). Sendo fiel á película, o xogo conta con Darth Vader coma inimigo final, e cómpre destacar o feito de que este título contaba cun sistema de códigos ou contrasinais para acceder a puntos do xogo (un equivalente aos puntos de gardado dos xogos actuais) ante a dificultade deste título.

Montaxe de vídeo realizada por IGN con escenas do xogo