The Legend of Zelda: Ocarina of Time 3D chega ás tendas españolas
venres, 17 de xuño do 2011
The Legend of Zelda: Ocarina of Time 3D, a adaptación do clásico de Nintendo 64
que a prensa especializada considera de xeito unánime como o mellor xogo da
historia, chega hoxe ás tendas españolas na súa versión para Nintendo 3D, o que
permite gozar dos seus gráficos tridimensionais percibindo a súa profundidade
sen empregar lentes especiais, adaptándose tamén o xogo ao sistema de control da
3DS (a pantalla táctil pode empregarse para xestionar o inventario e tamén é
posible aproveitar o xiroscopio para controlar a cámara ao disparar nalgúns
momentos do xogo).
Unha vez rematada a aventura será desbloquearase a Master Quest, unha versión modificada do xogo que xa estaba
dispoñible en GameCube e que fai máis atractivo rexogar ao tÃtulo cunha maior
dificultade.
Posiblemente esteamos ante o primeiro grande éxito para a Nintendo 3DS,
converténdose en todo un imprescindible que para moitos ten como única pega que
non chegase no lanzamento da nova consola portátil de Nintendo.
- Link volverá a protexer o Reino de Hyrule nesta nova aventura
Trailer do novo xogo para Nintendo 3DS