The Medium convídanos a explorar simultaneamente o mundo real e o dos espíritos

xoves, 28 de xaneiro do 2021 Marcus Fernández

O lanzamento das consolas Xbox Series X|S foi un tanto descafeinado por chegar sen grandes xogos exclusivos, resultando difícil xustificar a compra dunha Xbox en vez dunha PlayStation agás polo feito de poder contratar o servizo Game Pass, pero o tempo pode mudar a situación, e por fin temos un dos exclusivos máis agardados, The Medium, traballo de Bloober Team (ou sexa, que é unha produción modesta) que xa podemos mercar para Xbox Series X|S e Windows 10, e que gañouse a admiración do público e a crítica pola súa proposta diferente.
En The Medium temos un xogo de terror en terceira persoa no que encarnamos a unha médium que explora ao mesmo tempo o mundo real e o dos espíritos, de xeito que nos momentos nos que hai elementos fantásticos cos que interactuar a pantalla dividirase en dous para presentar ambos puntos de vista, sendo preciso atender ao que acontece en ambos mundos para superar quebracabezas que mesturan ambos mundos.
A proposta de moverse simultaneamente por dúas realidades paralelas resulta moi rechamante, resultando especialmente inquietante o mundo dos espíritos, que preséntase dunha aparencia inspirada nas obras do pintor surrealista polaco Zdzisław Beksiński. A nivel sonoro tamén poderemos gozar dunha banda sonora composta por Akira Yamaoka (Silent Hill) e Arkadiusz Reikowski (Layer of Fear), que somerxerá ao usuario na opresiva atmosfera do xogo.

Primeiros minutos do xogo

PUBLICIDADE