Toshiba achega a Europa un portátil con pantalla 3D sen lentes

O vindeiro mes de agosto Toshiba vai comezar a comercializar o seu portátil Qosmio F750, que pretende sorprender por contar cunha pantalla autoestereoscópica, de xeito que non só poderá amosar imaxes en 3D sen lentes, senón que tamén poderá presentar imaxes 3D e 2D en pantalla de xeito simultáneo.
A pantalla de 15,6 polgadas desde equipo ten unha resolución de 1.920 x 1.080 píxeles (Full HD), conta cunha webcam de alta definición con tecnoloxía se seguimento da mirada, funciona cun procesador Intel Core i7 e gráfica nVIDIA GeForce GT 540M con 2 Gb de memoria, 6 Gb de RAM, 640 Gb de disco duro, gravadora de Blu-ray, altofalantes Harman Kardon, lector de tarxetas de memoria, Wi-Fi N, Bluetooth 3.0, 3 portos USB 2.0 e 1 porto USB 3.0 e sistema operativo Windows 7 Home Premium de 64 bits. O portátil mide 380,5 x 254 x 30-37,6 milímetros e pesa 2,9 quilogramos.
O prezo deste impresionante equipo será dunhas 1.300 libras esterlinas no Reino Unido (1.446 euros).