Un accesorio de Griffin facilita empregar o iPad como punto de información
venres, 29 de xuño do 2012
O
fabricante de accesorios Griffin incorpora ao seu catálogo unha interesante
solución que permite transformar un iPad nun punto público de información, o
que pode resultar de grande utilidade para museos, tendas, bibliotecas, restaurantes
e moitos outros locais públicos nos que os usuarios poderán empregar o tablet
de Apple para visitar páxinas web informativas ou aplicacións feitas a medida
que poden ir dirixidas ao público ou a usos profesionais.
O Kiosk de Griffin vén a ser unha carcasa que protexe o iPad de golpes á vez
que permite fixalo fisicamente para evitar que o muden de sitio (ou o rouben),
comercializándose en dúas versións que difiren na lonxitude da súa barra de
fixación, que será é de 35 centÃmetros no caso do modelo
para escritorio e de 1,2 metros no modelo pensado
para colocar directamente no chan. Os seus prezos son de 199 e 299 dólares
respectivamente, o que permite instalar un punto de información relativamente
barato en case calquera curruncho (ocupando moito menos que os quioscos
tradicionais).
Completa este accesorio fÃsico unha aplicación
que está á venda por 2,39 euros na App Store que permite identificar os
iPad colocados en lugares públicos cun número ou nome, fixar unha pantalla de
inicio personalizada, controlar o uso público do iPad para que só poida
empregarse para acceder a páxinas web autorizadas, personalizar os elementos
que serán visibles en pantalla e mesmo enviar alertas por e-mail no caso de que
perda a conexión unha unidade, teña pouca baterÃa ou estea sometida a unha forza excesiva. De todos os xeitos esta aplicación pode ser
irrelevante no outono, cando chegue o iOS 6, actualización do software do iPad
que vai incorporar un modo quiosco
que fará boa parte destas funcións incluso dun xeito máis seguro, por ir
integrada no propio sistema.
- O accesorio de Griffin tamén pode resultar interesante para empregar como terminal de punto de venda
- Un dos modelos do Kiosk de Griffin pode fixarse directamente ao chan