Un cargador permite eliminar os xermes do noso móbil mediante luz ultravioleta

luns, 3 de febreiro do 2014 Marcus Fernández

Conscientes de que os teléfonos móbiles son un dos elementos de uso diario no que máis abondan as bacterias, poñen á venda o PhoneSoap Charger, un produto moi especial por integrar nun único dispositivo un cargador para o móbil e un desinfectante mediante lámpadas ultravioleta (método que mata un bo número de xermes sen ter que agredir a superficie do móbil con produtos químicos ou líquidos).
Este curioso cargador para móbiles permite albergar o terminal no seu interior para a súa desinfección mediante luz ultravioleta, permitindo a carga do móbil a través dun porto USB ao que vai conectado un adaptador a micro USB (que pode substituírse, por exemplo, por un adaptador para que funcione cun iPhone) e para que as notificacións sonoras que cheguen ao móbil mentres está metido neste compartimento poidan escoitarse, conta cunhas saídas acústicas que permiten escoitar os sons que emita o teléfono dun xeito claro.
Este cargador-desinfectante véndese por 49,95 dólares (36,92 euros) en cor branca ou negra, e asegura ser capaz de eliminar os xermes do noso móbil en 4-5 minutos.


Vídeo de presentación do PhoneSoap Charger

PUBLICIDADE