Un formulario web axiliza a notificación de casos sospeitosos de COVID-19
venres, 7 de xaneiro do 2022
Esta
mañá o conselleiro de Sanidade, Julio GarcÃa Comesaña, e o conselleiro de
Cultura, Educación e Universidade, Román RodrÃguez, informaron
en convocatorio de prensa do avance na vacinación dos cativos entre 5 e 11 anos
de idade e da disposición dun segundo test de balde para os pequenos desas
idades, que poderán recoller nas oficinas de farmacia.
O conselleiro de Sanidade tamén lembrou que as persoas que obteñan un resultado
positivo nunha destas probas diagnósticas poderán poñelo en coñecemento das
autoridades sanitarias a través do número de teléfono 881 540 045 ou, dende
hoxe mesmo, a
través dun formulario en liña. Falamos dunha autodeclaración de caso
sospeitoso de COVID-19, que tras a incorporación dos datos persoais do cidadán xerará
unha chamada telefónica co ánimo de coñecer o estado de saúde do novo
positivo, os seus contactos estreitos, e achegar as recomendacións sanitarias
precisas.
O formulario web habilitado hoxe busca reducir a carga do número de atención
telefónica e axilizar o traballo da Central de Seguimento de Contactos.
- O formulario habilitado hoxe axiliza a notificación dos casos sospeitosos