Variña máxica que fai de mando a distancia do televisor
mércores, 16 de setembro do 2009
Os máis fieis
seguidores de Harry Potter poderán facer maxia no salón do seu fogar grazas á Kymera Magic Wand,
unha variña máxica que conta cun acelerómetro, de xeito que pode interpretar os
xestos do usuarios coma un mando da Wii para cambiar de canle ou modificar o
volume do noso televisor.
Esta variña máxica interpreta
13 xestos distintos e sairá
á venda o vindeiro 1 de outubro por 49,95 libras esterlinas (55,10
euros) aos que haberÃa que engadir 10 libras (11,24 euros) polos portes a
España.
A Kymera Magic Wand pode aprender os sinais de infravermellos que envÃa o mando
a distancia do noso televisor para reproducilos coma reacción a movementos
detectados, de xeito que xirar a variña funciona coma control de volume e
axitar a variña verticalmente permite cambiar de canle, mentres que os
movementos en horizontal (e moitos outros) poden personalizarse, aÃnda que hai
que recoñecer que estamos máis ante un xoguete (ou agasallo) que ante un
práctico mando a distancia.