Vilagarcía instalará un sistema de cita previa e unha app de xestión de emerxencias
luns, 24 de agosto do 2020
O
Concello
de Vilagarcía anunciou que vai instalar un sistema de cita previa e
máis unha aplicación móbil de xestión de emerxencias. Farao
botando man dos sobrantes de partidas e baixas de obras. Son, nas
palabras do Goberno local, “actuacións de carácter urxente e que
veñen impostas pola situación que estamos a vivir coa pandemia da
COVID”.
Amais
das devanditas actuacións, tamén se mellorará o camiño da rúa
Xiabre e adquirirase unha embarcación para o servizo municipal de
Emerxencias. A suma total destes sobrantes para os que se propón o
cambio de finalidade ascende a 101.098 euros.
En
termos máis concretos, a aprobación da proposta permitirá destinar
38.551,04 euros á adquisición e instalación dun servizo de cita
previa no Concello e 9.500,10 euros á compra da aplicación
informática de xestión para emerxencias.
Os
fondos liberados proceden de sobrantes de actuacións dos exercinos
2016, 2017, 2018 e 2019 financiadas a través de operacións de
préstamos a longo prazo, como das baixas nas obras en cemiterios
municipais, no edificio do centro socio comunitario do Ramal e na
Escola Infantil Municipal; do subministro de semáforos; de
actuacións de eficiencia enerxética; da aplicación adquirida para
a numeración de nichos; da adquisición de software e das terminais
da Wi-Fi municipal; así como das partidas de acondicionamentos de
casas de cultura, parques infantís e xardíns.