Xiaomi comercializa en China unha cama conectada

venres, 29 de novembro do 2019 Marcus Fernández

Cada día temos máis dispositivos formando parte dos fogares conectados e Xiaomi comercializará a través da súa plataforma de micromecenado, Youpin, a interesante cama eléctrica conectada 8H Milan, que vén a ser unha cama articulada con múltiples posicións que integra un par de motores que poden controlarse co mando da cama, mediante unha aplicación móbil e incluso con ordes de voz.
Esta interesante achega a un descanso confortable poderá adquirirse en China a un prezo de 1.999 iuans (259 euros), permite inclinar as costas até 60 graos e as pernas até 30, ten un funcionamento silencioso, o seu esqueleto de bastidor de fibra de vidro de 5 zonas pode soportar un peso total de até 1.000 quilos, soporta colchóns de entre 10 e 25 centímetros e a súa resistencia debería soportar até 90.000 encartados.
Se ben resulta difícil que este produto chegue a Europa, resulta curioso ver como até as camas poden incorporarse aos conceptos de fogar conectado.

PUBLICIDADE