Xiaomi presenta o smartphone 5G máis económico do mercado
martes, 10 de decembro do 2019
Durante
o cumio organizado por Qualcomm a semana pasada para presentar os seus novos
procesadores adiantaron que Xiaomi
serÃa un dos primeiros fabricantes en integrar as súas novas plataformas móbiles
con 5G, pero estas novidades non se limitan á alta gama, senón que o selo
económico do fabricante chinés tamén estreará conectividade 5G co Redmi K30 5G, un smartphone que
contará cun procesador Qualcomm Snapdragon 765G, de xeito que poderá acceder a
redes 5G tanto NSA como SA (ou sexa, preparados para o futuro).
Este smartphone tamén contará con versión
4G, podendo presumir ambos modelos de pantalla de 6,67 polgadas cunha
velocidade de refresco de 120 Hz e cámara principal cun sensor Sony IMX686 de
64 MpÃxeles. Os terminais aliméntanse dunha baterÃa de 4.500 mAh, que no modelo
5G pode cargarse até a 30 watts (o modelo 4G ten carga a 27 watts), o que supón
que pode completar unha carga en só 66 minutos.
A cámara traseira cuádrupla conta co mencionado sensor de 64 MpÃxeles (que fai
uso de tecnoloxÃa Super Pixel e conta con Modo Noite), asà como un grande
angular de 8 MpÃxeles, un macro de 2 MpÃxeles e un sensor para retratos de 2
MpÃxeles; mentres que a súa pantalla moi apaisada (ten unha relación de 20:9) agocha
unha cámara dual perforada (semellante á do Galaxy S10+) con sensores de 20 e 2
MpÃxeles.
A maiores, os novos Redmi K30 contan con lector de pegadas lateral, NFC, emisor
de infravermellos e toma para auriculares.
O Redmi K30 4G sae á venda este xoves en modelos con 6/8 GB de RAM e 64/128/256
GB de almacenamento interno por prezos que van dende os 1.599 iuans aos 2.199
iuans (entre 205 e 282 euros); mentres que polo Redmi K30 5G teremos que
agardar até finais de xaneiro, cando sairá á venda por un prezo que parte dos
1999 iuans (256 euros) o que o converte no smartphone 5G máis económico do
mercado. O Redmi K30 5G máis básico chegará con 6 GB de RAM e 64 GB de
almacenamento, mentres que o modelo máis completo, con 8 Gb de RAM e 256 GB de
almacenamento, venderase a 2899 iuans (372 euros).