Zipy Golfinho, o reprodutor multimedia que pode funcionar coma mans libres do móbil

xoves, 31 de xullo do 2008 Marcus Fernández

Xa se vende nas tendas un novo reprodutor multimedia que sorprende polo seu nome, Zipy Golfinho, e a súa principal característica é que conta con conectividade Bluetooth, o que lle permite funcionar en modo mans libres co noso móbil (de xeito que podemos contestar chamadas cando estamos a escoitar música sen ter que cambiar de auriculares) e intercambiar arquivos (cun PC ou con outro dispositivo Bluetooth).
O Zipy Golfinho ten unha pantalla de 2 polgadas, 2 Gb de almacenamento interno, sintonizador de radio FM, gravadora de voz, altofalante incorporado, unha autonomía de ata 8 horas para música e de 4 horas para vídeo e un amplo soporte de ficheiros multimedia (MP3, WMA, WAV, OGG Vorbis, VI, MPEG-4, JPEG, BMP e GIF).
O seu prezo de venda é de 69,90 euros, aínda que hai establecementos que o venden a 65 euros.

PUBLICIDADE