A AGAG organiza un seminario sobre a guionización de videoxogos
xoves, 9 de xuño do 2011
A Asociación Galega de
Guionistas (AGAG) organiza o vindeiro 17 de xuño na sede de Arteria Noroeste (na
rúa de Salvadas, 2) en Santiago de Compostela o curso Videoxogo. Fase
0: Guión. Seminario sobre a Escrita de Guión de Videoxogo, impartido
por Luis
Felipe Blasco, quen traballou no xogo Planet 51 de Pyro Studios,
baseado nunha pelÃcula de animación do mesmo nome, considerada como a meirande
produción de animación da historia do cine español. Tamén colaborou no xogo
para plataformas móbiles Meatball Marathon e con Starco
Studios no desenvolvemento de Alter Ego,
aplicación para Android que busca revolucionar o xeito de establecer novas
amizades a través do Bluetooth do móbil e os xogos sociais.
O seminario terá un prezo de 25 euros apra os asistentes que non estean
asociados á AGAG, e estruturarase en 2 apartados:
16.30 - 18.30 horas:1. Introdución ao concepto de videoxogo. CaracterÃsticas especiais como contido audiovisual, breve historia e tipos de videoxogo.
2. Videoxogos con guión. Descrición e análise.
3. O papel do guionista de videoxogos. O guionista na industria. Descrición do traballo. Dificultades, necesidades, know-how, habilidades especÃficas.18.45 - 20.45 horas:
4. Escribir un videoxogo. Niveis de guión.
5. A industria do videoxogo en España.
6. Previsións para o futuro.