A Asociación PuntoGal organiza un encontro de candidaturas de dominios culturais e lingüísticos

Esta fin de semana celebrarase en Santiago de Compostela a primeira xuntanza das candidaturas lingüísticas e culturais que queren obter un dominio de seu na Internet, estando o encontro organizado pola Asociación PuntoGal, que pretende abrir así liñas de diálogo para pór en común ideas e propostas de cara a consolidar estas candidaturas ante ICANN.
Así, a Compostela achegaranse representantes das candidaturas como a de Gales e Bretaña, e o evento servirá coma preámbulo da vindeira xuntanza de ICANN en Los Ángeles entre os días 22 de outubro e 2 de novembro.