A Asociación Socio-Pedagóxica Galega xa dispón de tenda na Rede
xoves, 3 de decembro do 2015
Con
máis de trinta anos de actividade a
prol da renovación da docencia na nosa terra,
a Asociación
Socio-Pedagóxica Galega (AS-PG), vén
de estrear tenda en liña.
A entidade, que tamén é asociación cultural, xa achegaba produtos
dixitais, pero agora
terá tamén a disposición de calquera interesado tanto produtos
fÃsicos (libros, discos, vÃdeo) como produtos en formato dixital,
especialmente os formatos epub.
Deste xeito, a tenda da AS-PG ofrece unha interface web especialmente
deseñada para se adaptar a todo tipo de dispositivos (computadores,
smartphones ou tabletas).
O seu
catálogo dispón xa dunha ampla escolma de
libros, en papel e dixitais (ebooks), discos, musicais e de vÃdeo,
de distintos xéneros, para todos os públicos e idades. Segundo
fontes da propia Asociación está tenda está moi ligada á próxima
aparición (tamén en formato dixital) da Historia da Literatura
Galega, publicada hai xa tempo en fascÃculos e completamente
esgotada, sendo intención da AS-PG publicar en formato ebook
boa parte da literatura galega.
Para a
lectura dos ebooks, a
tenda da AS-PG incorpora un avanzado lector na
nube integrado que permite o acceso inmediato á lectura sen
necesidade de descargar nada nin instalar ningún programa adicional.
Este lector achega as funcionalidades máis caracterÃsticas das
aplicacións de lectura, como o axuste das preferencias de usuario
(tamaño da fonte, cores, interliñado...) ou o mantemento do estado
de avance en cada libro, que ademais se sincroniza de maneira
automática entre os distintos dispositivos dende os que un usuario
ou usuaria accede á lectura.
Cómpre subliñar que o
dito lector ofrece tamén a posibilidade de almacenar internamente os
libros dixitais para continuar coa súa lectura mesmo cando non se
dispón de conexión á Rede.
Os socios e socias da
AS-PG disporán dun código persoal que lles permitirá beneficiarse
dunha porcentaxe de desconto directo sobre calquera dos produtos
editados pola propia Asociación Socio-Pedagóxica Galega (agás
naqueles produtos que xa se atopan cun prezo en promoción).