A CEC aposta pola gamificación para o seu novo programa de emprego
mércores, 27 de xullo do 2016
A
Confederación de Empresarios da Coruña (CEC), en colaboración coa
Fundación INCYDE, lanzou o seu novo programa para impulsar o emprego
entre mozas e mozos menores de 30 anos de Galicia (e que tiveran
rematado a súa andaina formativa). A iniciativa, Viveiro
de Talento 2016,
fomentará a empregabilidade por conta propia ou allea. Como gran
particularidade, bota a camiñar cun xogo en liña que funciona a
xeito de inscrición, de porta de entrada e de primeira xeira de
adestramento. Trátase de Skywards
Trials, un reto en
liña no que cada participante deberá amosar os seus coñecementos e
habilidades profesionais. Cousas como recursos para a comunicación
ou para traballar en grupo.
Estamos
perante unha clara aposta da CEC polo concepto de gamificación,
que é a aplicación en múltiples eidos da vida real (e profesional)
de metodoloxÃas propias das aventuras e retos gráficos. E todo co
fin de incrementar a motivación, a rendibilidade, a participación e
a eficacia.
Segundo
informa a Confederación, mediante a aplicación deste xogo poderemos
obter insignias (a xeito de chapas), mochilas ou diplomas que
certificarán as nosas destrezas e que será posÃbel recoller en
diferentes xornadas de presentación do proxecto, que se celebrarán
en setembro en varias localidades galegas.
De
entre todos os participantes seleccionaranse 60. Estes entrarán no
proxecto e recibirán un itinerario formativo de 90 horas,
asesoramento de balde e personalizado, orientación para a procura de
emprego e o autoemprego e prácticas laborais en start-ups
galegas. Ademais, a CEC comprométese a garantir a inserción laboral
entre as empresas que forman parte da Confederación.