A CEO achega un curso de dixitalización para os traballadores ourensáns
martes, 27 de decembro do 2016
A Confederación
de Empresarios de Ourense (CEO) ten previsto levar a cabo un Curso de
Dixitalización a partir do 1 de febreiro, o perÃodo de
inscrición xa está aberto. Trátase dun curso, enmarcado no plan
formativo Industria 4.0 do IGAPE e está encamiñado a traballadores
en activo, inserido no Plan Incorpórate da Confederación
Empresarial. Estamos perante unha proposta para a mellora da
competitividade das empresas e comercios da provincia de Ourense. E
que se atoparán nesta
actividade os
asistentes? Aprenderán
a empregar
ferramentas en liña
para introducir o
proceso de transformación dixital das súas respectivas empresas:
Google Adwords, webs
responsives,
redes sociais,
mercadotecnia a
través de email, comercio
electrónico...
O dito curso é de balde, e servirá para
capacitar ás empresas que teñan traballadores/as que o realizaron
para solicitar futuras axudas do IGAPE nas que puntuará acreditar
ter algún empregado que o fixo.
Dicir que este xoves, 29 de decembro, ás 13
horas, terá lugar o acto de presentación do Programa Incorpórate
(ao que pertence este curso) na Praza das Damas, nº 1, de Ourense.
Os interesados en asistir ao
Curso de Dixitalización poderá
inscribirse cumprimentando o formulario
habilitado ou
poñéndose en contacto coa CEO no teléfono
988 39 11 10 ou no enderezo
electrónico disposto para o evento, europeos@ceo.es.