A CEP organiza o curso Migración de Software propietario a Software libre

A Confederación de Empresarios de Pontevedra (CEP) vén de anunciar a celebración do curso Migración de Software propietario a Software libre, que terá lugar en Vigo do vindeiro 3 de maio ó 8 de xuño de 2007. Esta xornada formativa, de 40 horas de duración, será impartida no Centro de Formación CEP e consta de seis módulos ou temas. Entre os aspectos a tratar cómpre salientar o marco legal, os detalles técnicos sobre a migración, os problemas derivados do emprego de software propietario ou os beneficios para o estado procedentes do emprego de programas de código aberto.