A CRTVG entrega os premios dos seus concursos convocados polo 25 aniversario
martes, 8 de xuño do 2010
Tal e como
viñan anunciando os responsables da iniciativa ao longo da pasada semana, a aula
audiovisual do Centro Multimedia de Galicia (CMG) acollerá mañá, mércores 9 de
xuño, a entrega de premios aos gañadores dos distintos concursos que puxo en
marcha a SecretarÃa Xeral de Medios con motivo dos 25 primeiros anos de vida da
CompañÃa de Radio Televisión de Galicia (CRTVG).
Deste xeito, o
premio á mellor animación realizada nos cursos de stop-motion, que lembremos recaeu no grupo de 25 rapaces de 1º de
Bacharelato do Instituto de Educación Secundaria (IES) Leiras Pulpeiro de Lugo,
será recollido polos mesmos en Santiago de Compostela.
Por outra banda, tamén recibirán os seus
galardóns os gañadores dos concursos relacionados coas novas canles de comunicación
que puxo en marcha a SecretarÃa Xeral de Medios, Que está a pasar nas aulas da Rede CeMIT con motivo dos 25 anos da
CRTVG e As grandes frases da
dobraxe da Galega.
O obxectivo do primeiro deses certames foi o de facer partÃcipes ás
persoas asistentes a cada unha das actividades que se celebraron nas distintas
aulas da Rede CeMIT, de xeito que puideron formular preguntas e suxestións ou
dar a súa opinión sobre as mesmas a través da rede social Twitter, emitindo un tweet (comentario de Twitter), que
quedaba reflectido nas distintas pantallas de cada unha das aulas nas que se
realizaba unha actividade.
No segundo concurso, encamiñado a atopar a
frase máis célebre da dobraxe na Televisión de Galicia, resultou elixida a
emblemática Vai rañala, raparigo, de
Terminator, recibindo o autor da proposta unha videocámara dixital. Este
concurso decidiu conceder premios tamén á promoción viral a aqueles que máis
empregaron as etiquetas propostas, que serán agasallados cun reprodutor blu-ray
e un disco duro externo.
O acto de
entrega de premios pon o broche final ás actividades organizadas pola SecretarÃa Xeral de
Medios para celebrar os primeiros 25 anos do ente autonómico, que incluÃron,
ademais, visitas de personaxes famosos da radio e da televisión galegas e
exposicións fotográficas nas aulas da Rede CeMIT das sete principais cidades.
