A Cámara da Coruña achega seis novas actividades formativas de transformación, en liña e presenciais

A Cámara de Comercio da Coruña abriu o prazo de matrícula para as actividades de formación dirixidas a empresas que están previstas para o mes de xuño. Trátase de seis actividades, entre cursos e xornadas, que se desenvolverán, segundo o caso, en formato presencial, online ou en streaming. Teñen en común que poñen o foco nos diferentes aspectos e vertentes da transformación, con vistas a achegar un extra de competitividade, rendibilidade, eficiencia e sustentabilidade.
Presencial
Na modalidade presencial hai tres actividades programadas:
-Liderado emocional: do 14 ao 21 de xuño.
-Como vender máis e mellor. Aumenta as túas vendas e a túa motivación: do 19 ao 26 de xuño.
-Curso práctico de contabilidade e análise de balances: do 21 de xuño ao 4 de xullo.
Online e streaming
Nas modalidades online e streaming, a Cámara ofrece tres actividades no mes de xuño:
-Business Intelligence Excel: do 13 ao 27 de xuño.
-Obradoiro de produtividade persoal e ferramentas M365: do 14 de xuño ao 6 de xullo.
-Necesito unha tenda online para o meu negocio?: 22 de xuño
Para a Cámara da Coruña, a formación empresarial é “un eixo prioritario” que ofrece ás empresas da súa demarcación.