A Cidade da Cultura acollerá o XV Encontro Estatal de Telecentros
venres, 11 de marzo do 2016
A
semana que vén, o 15 de marzo, a
directora da Axencia para a Modernización Tecnolóxica de Galicia
(AMTEGA), Mar Pereira, inaugurará na compostelá Cidade da Cultura o
XV Encontro Nacional de Telecentros, que se celebra baixo o lema
Impulsando a túa capacitación dixital. Detrás desta
proposta atópase a Asociación Nacional de Redes de Telecentros (co
apoio da AMTEGA) e con ela preténdense coñecer as principais
accións estratéxicas das Redes de aulas para a formación dixital e
potencialas como ferramenta para mellorar as competencias dixitais, a
empregabilidade e impulsar a innovación social dixital. Nesta
xuntanza participarán máis de 100 profesionais relacionados co
desenvolvemento da TecnoloxÃa da información, industrias do sector,
organismos públicos e privados de Galicia, España e Europa,
innovadores, usuarios e comunidades locais do eido local das aulas
CeMIT galegas.
E
indo ao programa deste encontro, dicir que se celebrarán catro mesas
de debate. Na primeira tratarase a acreditación de competencias
dixitais, expoñendo a experiencia galega do CODIX
(Certificación de Competencias Dixitais en Ofimática), xunto co
modelo andaluz de formación en competencias dixitais, Guadalinfo.
Esta mesa pecharase coñecendo o papel e as iniciativas
de Telecentre Europe sobre este tema e o seu posicionamento no
informe europeo DIGCOMP,
o marco común para o desenvolvemento de competencias dixitais en
Europa.
Na
segunda das mesas analizarase o programa europeo de fomento da
empregabilidade, FIT4jobs.
Asemade, a directora de Formación de Fundación TecnoloxÃas da
Información de AMETIC falará sobre os Os
perfÃs profesionais da transformación dixital.
A
terceira das mesas abranguerá proxectos de innovación social
dixital como CeMIT-innova, impulsada pola AMTEGA en 2015 e que
conseguiu desenvolver 9 iniciativas de innovación social dixital en
9 aulas da Rede CeMIT.
O
programa do encontro complétase co obradoiro práctico:
Transformando
Ideas… para mellorar a nosa contorna local. DesignThinking para a
Innovación social dixital nas redes de telecentros,
onde se verán os resultados dos pilotos que xa se executaron na I
Edición CeMIT-Innova 2015.
Cómpre
subliñar que a inscrición é de balde e poderá efectuarse a través
desta
ligazón da Rede CeMIT.
O
encontro das redes de telecentros terá un formato de workshop
aberto, participativo e que poderá seguirse en Twitter cos hashtag
#15Encuentro
e #Telecentros,
vÃa streaming e que recollerá todas as achegas no storify
da comunidade de telecentros na web da get
online week.