A Comisión Europea avalÃa este martes o Programa de Voluntariado Dixital de AMTEGA
luns, 24 de marzo do 2014
Este martes 25 de marzo
o Programa Voluntariado Dixital amosa
ante Europa o seu potencial de divulgación e alfabetización TIC.
Máis polo miúdo, a iniciativa que promove a Axencia para a
Modernización Tecnolóxica de Galicia (AMTEGA) para facilitar o
fluxo de coñecemento tecnolóxico-dixital dende quen ten eses
coñecementos até as galegas e galegos que non os teñen, será
obxecto dun peer review como exemplo de boa práctica en
materia de inclusión social a través das TIC. A sesión, que será
clausurada pola conselleira de Traballo e Benestar, Beatriz Mato e a
directora da AMTEGA, Mar Pereira, ten como obxectivo a avaliación e
análise do proxecto de Voluntariado Dixital.
Isto ten como
finalidade permitir que os responsábeis da Administración
autonómica poidan coñecer as opinións e experiencias dos seus
homólogos europeos en materia de inclusión dixital e recoller as
súas achegas de face ao deseño e aplicación de novas liñas de
actuación neste ámbito.
Segundo informa AMTEGA,
os seminarios peer review ou avaliacións
por pares son unha iniciativa impulsada pola Comisión Europea para
difundir entre os paÃses membro iniciativas e proxectos de interese
en determinados ámbitos para fomentar a aprendizaxe e o intercambio
de información a través da avaliación e a análise crÃtica por
parte de expertos. Este método supón que o Estado membro, cuxa
iniciativa resultou elixida, organiza un seminario no seu territorio
ao que convida a representantes doutros paÃses.
Neste caso, enviouse un
documento explicativo do programa VOLDIX e foi analizado pola experta
Ellen J. Helsper, da London School of Economics and Political
Science, a cal preparou un informe de discusión que será
analizado no seminario. Este contará coa participación dunha
representante da Dirección Xeral de Emprego, Asuntos Sociais e
Inclusión da Comisión Europea, Emanuela Tassa; de Clara Centeo, do
Join Research Centre da Comisión Europea, que falará do proxecto
Innovación Social mediante o uso das TIC para a implantación do
Paquete de Investimento Social (SIP) da Comisión Europea e de
David Sinclair, da Platform Europe AGE (Plataforma Europea IDADE),
que abordará a exclusión dixital e persoas maiores desde unha
perspectiva europea comparada.