A Comisión Europea considera a TikTok unha ameaza de seguridade e promove as conexións a 1 Gbps
venres, 24 de febreiro do 2023
Para aumentar a
súa ciberseguridade, o Consello de Administración da Comisión Europea decidiu
suspender o uso da aplicación TikTok nos seus dispositivos corporativos e
nos dispositivos persoais afiliados ao servizo de dispositivos móbiles da
Comisión. Esta medida ten por obxecto protexer á Comisión fronte ás accións e
ameazas de ciberseguridade que poderÃan explotar terceiros para levar a cabo
ciberataques contra a contorna corporativa da Comisión.
A medida axústase
ás estritas polÃticas internas de ciberseguridade da Comisión Europea
aplicables ao uso de dispositivos móbiles nas comunicacións relacionadas co
traballo. Tamén complementa as recomendacións que a Comisión leva formulando
desde hai tempo ao seu persoal para que aplique as mellores prácticas ao
utilizar as plataformas de redes sociais e manter un alto nivel de
cibersensibilización no seu traballo diario.
A suspensión é unha decisión corporativa interna que se limita estritamente ao uso dos
dispositivos afiliados ao seu servizo móbil, aÃnda que non é a única medida tecnolóxica
adoptada, pois tamén deu a coñecer unha serie de accións destinadas a pór a
conectividade gigabit a disposición de todos os cidadáns e empresas da Unión
Europea de aquà a 2030, en consonancia cos obxectivos da Década Dixital de Europa
e a facilitar a transformación do sector da conectividade na Unión Europea.
As
iniciativas desta semana en materia de conectividade consisten no seguinte:
– En primeiro lugar, a Comisión adoptou unha
proposta de Lei de Infraestruturas de Gigabit, que establece novas
normas para facilitar un despregamento máis rápido, barato e eficaz das redes
de gigabit en toda a UE.
– En segundo lugar, tamén publicou un proxecto
de Recomendación sobre o gigabit para orientar ás autoridades nacionais
de regulación sobre as condicións de acceso ás redes de telecomunicacións dos
operadores cun peso significativo no mercado, a fin de estimular un abandono
máis rápido das tecnoloxÃas tradicionais e acelerar a despregadura de redes de
gigabit.
– En terceiro lugar, a Comisión puxo en marcha
unha consulta exploratoria sobre o futuro do sector da conectividade e da súa
infraestrutura para solicitar opinións sobre a maneira en que a crecente
demanda de conectividade e os avances tecnolóxicos poden afectar á evolución
futura do sector da conectividade e as súas infraestruturas.
A Lei de
Infraestruturas de Gigabit responde á demanda crecente de conectividade
máis rápida, fiable e intensa en datos, e busca reducir a burocracia, os custos
e a carga administrativa asociados á despregadura de redes gigabit, mellorando
tamén a coordinación da obra civil entre os operadores de redes.