A Deputación da Coruña brinda o seu apoio ao Carballo Interplay
martes, 26 de xaneiro do 2016
O
festival de contidos audiovisuais e dixitais Carballo
Interplay, que xa ten dous anos de vida
amosando entre outras cousas as webseries galegas e estatais de
meirande pegada, está considerado como un referente a seguir no
ámbito audiovisual e cómpre informar que este ano celebrará a súa
terceira edición, pois o pasado venres 22 de xaneiro a
Deputación da Coruña e o Concello de Carballo asinaban un convenio
de colaboración para o festival internacional
que contará cunha achega de 31.706, 36% destinado ao desenvolvemento
da actividade.
"Unha cita pioneira
que converteu a Carballo en referente do audiovisual, non só en
Galiza senón máis alá das nosas fronteiras. SentÃmonos orgullosos
de participar nunha iniciativa ousada, que abre novos camiños e que
é un encontro obrigado para moitas persoas do audiovisual que están
a traballar en novas feituras narrativas e con novos soportes",
sinalou a vicepresidenta da Deputación e responsábel da área de
Cultura, Goretti SanmartÃn, na sinatura do dito convenio co Concello
de Carballo para o financiamento do festival.
O alcalde de Carballo,
Evencio Ferrero, amais de recoñecer o apoio da Deputación ao
festival, fixo fincapé na existencia de tres festivais
internacionais no concello que fan de Carballo un espazo de
referencia en eventos senlleiros do eido cultural, en especial, con
iniciativas innovadoras como o festival de webseries e novos formatos
narrativos do audiovisual.
