A Deputación de Lugo aproba a disolución da Fundación TIC
martes, 31 de xullo do 2018
O pleno da Deputación de Lugo vén
de aprobar a disolución da Fundación TIC co obxectivo de que os seus 35
traballadores pasen a formar parte do cadro de persoal da entidade provincial. A
corporación acordou tamén a equiparación salarial dos traballadores e a elaboración
dun regulamento do servizo «para que traballe a favor dos intereses da
provincia» para evitar que o organismo se converta nunha «axencia de
comunicación» do goberno provincial.
Esta aprobación é só a primeira parte dun procedemento que completarse cando o
padroado da Fundación TIC aprobe a disolución da entidade.
O proceso de integración da Fundación TIC na Deputación de Lugo leva un par de
anos en marcha, e busca principalmente a eliminación de duplicidades
administrativas, a optimización de recursos e a redución do gasto corrente.
Preténdese que se manteña a finalidade do ente, que é o desenvolvemento de
actividades dirixidas ao fomento da educación, a investigación e o
desenvolvemento das TIC, asà como o impulso destas tecnoloxÃas na provincia de Lugo.
