A Deputación de Lugo ofrece ás súas traballadores e traballadores un plan de formación pioneiro e tecnolóxico
xoves, 11 de febreiro do 2021
A
Deputación de
Lugo anunciou este xoves 11 un ambicioso plan formativo para as
empregadas e empregados da institución, un programa “pioneiro en
Galicia” e moi centrado nas novas tecnoloxías e en todas as
ferramentas que posibilitarán a transformación da entidade cara
modelos máis eficientes, sustentábeis e mellor xestionados.
Será
unha acción para a promoción horizontal de 321 traballadores
provinciais, a metade do equipo humano. “É a primeira vez que se
leva a cabo unha formación así na institución e tamén entre as
administracións públicas galegas, tanto polas súas
características, como polas súas dimensións e alcance”, sinalou
o presidente provincial, José Tomé.
O
programa terá un obxectivo duplo: “Dar ferramentas ao
funcionariado para progresar na súa carreira profesional mellorando
as súas competencias e capacidades e, ao mesmo tempo, mellorar o
funcionamento da Deputación, a atención aos concellos e á
cidadanía, e a prestación dos servizos públicos”, subliñou José
Tomé.
O
presidente, que compareceu xunto á deputada de Réxime Interior,
Promoción do Territorio e Turismo, Pilar García Porto, e da
deputada de Formación, Ensino e Economía do Coñecemento, Ana
González Abelleira, subliñou que “é a primeira vez na historia
da Deputación que se leva a cabo unha acción deste tipo, pero tamén
é pioneira entre as administracións públicas de Galicia, tanto
polas características da formación, como polas súas dimensións e
alcance”, en tanto que chegará a máis da metade dos traballadores
da institución.
Os
cursos, que comezarán o vindeiro mércores, 17 de febreiro,
prolongaranse ata o mes de maio e contarán con tres niveis, en
función dos distintos grupos de clasificación profesional dos
funcionarios. Haberá catro módulos que tratarán sobre a propia
Deputación, recursos humanos, procedemento administrativo e novas
tecnoloxías. Impartiranse 8 edicións dos distintos cursos, que en
total suman 320 horas de formación.
Co
fin de facilitar a participación, que en todo caso será de carácter
voluntario, e co fin de extremar a prevención ante a pandemia da
COVID-19, a formación desenvolverase de xeito telemático.