A Deputación de Ourense impulsa un Hospital de Emprendedores con 40 postos de oficina
venres, 15 de maio do 2020
A
Deputación
de Ourense impulsou estes días de urxencia unha iniciativa
innovadora para mitigar os efectos da crise sanitaria no novo tecido
produtivo provincial: un Hospital de Emprendedores. A iniciativa,
cuxas bases foron aprobadas este 14 de maio nun prazo que segundo a
Deputación foi “un tempo marca”, ten como obxectivo pór a
disposición de pequenas empresas, emprendedores e profesionais que
non poidan facer fronte ao pago de alugueres de locais un espazo de
balde durante tres meses no Centro Cultural Marcos Valcárcel para
que poidan desenvolver o seu traballo sen preocuparse polos gastos de
ocupación dun inmóbel para traballar.
A
medida, ideada polo presidente Baltar, entrará en vigor o 1 de xuño
e permitirá desde esa data habilitar espazos para 40 postos de
oficina, cada un dos cales disporá de conexión a Internet e
mobiliario básico de oficina, instalado cumprindo a normativa de
seguridade referida á prevención da COVID-19.
A
asignación dos espazos realizarase “por estrita orde de recepción
de solicitudes debidamente complementadas”, as cales poderán
presentarse de maneira presencial no Rexistro Xeral da Deputación de
Ourense ou de maneira telemática a través da web da institución
provincial. Os horarios de apertura do Hospital de Emprendedores"
será de 8.30 a 14.00 horas e de 16.00 a 20.00 horas de luns a
venres, entre o 1 de xuño e o 31 de agosto.
A
compañía galega R dará apoio tecnolóxico a esta iniciativa para
garantir que a conexión a Internet avanzado de alta velocidade por
fibra óptica dos usuarios achegue a máxima calidade e efectividade
durante o período que permanecerá aberto o centro de emprendemento.