A Deputación de Pontevedra achegará rede Wi-Fi para convidados no consistorio da Guarda
luns, 30 de marzo do 2015
- Fachada da Casa dos Alonso nunha imaxe de Infogauda
A Deputación de Pontevedra acolleu o pasado venres
na súa Xunta de Goberno mellorar
as infraestruturas e equipamentos de climatización e
telecomunicacións da Casa dos Alonso da Guarda, recentemente
rehabilitada como edificio consistorial. Segundo fixo saber o
organismo provincial reflectindo o acordado no consello, vanse
destinar 163.546 euros do Plan Provincial de Obras e Servizos de 2015
(PPOS) á compra e instalación de novos equipamentos de
climatización que garantan un mellor aforro e eficiencia enerxética
en todas as dependencias do edificio guardés.
No tocante ás telecomunicacións o proxecto
aprobado tamén inclúe a instalación dunha rede Wi-Fi para
convidados. Segundo explica a Deputación, “ampliarase a rede de
datos para evitar perdas na comunicación telemática e habilitarase
un sistema de alimentación (SAI) que garanta o servizo en caso de
fallo na subministración”.