A ETSE da USC entrega os seus premios e reivindica o papel das mulleres enxeñeiras
martes, 12 de abril do 2022
- Participantes nas celebracións da ETSE nunha imaxe de Santi Alvite
A
semana pasada, o 7 de abril, a Escola Técnica Superior de Enxeñaría
da USC celebrou a súa festividade. O acto de celebración contou coa
presenza da directora do centro, Julia González Álvarez, quen fixo
un chamamento a xuntar forzas para dar máis visibilidade ás
mulleres enxeñeiras e sumar recuros para rematar coa fenda de xénero
en materia STEM (Ciencia, Tecnoloxía, Enxeñaría e Matemática).
A
celebración, na que tamén participou o reitor Antonio López,
serviu para entregar diversos galardóns: os premios
extraordinarios fin de estudos, tanto para grao como para mestrado,
correspondentes ao ano académico 2020-2021; os recoñecementos aos
mellores expedientes da Escola, os premios aos mellores Traballos Fin
de Grao e Fin de Mestrado; e os galardóns á calidade na docencia
(Premois Leonardo).
O
Premio Viaqua ao mellor TFM no eido da Enxeñaría Ambiental recaeu
en Matías Rivadulla Cora por Estratexia de arranque da tecnoloxía
innovadora SIAM para o tratamento de augas residuais a escala de
planta piloto. O premio Premio Big Data 2020/2021 recoñeceu a
Eduardo López Villanueva por Deseño e implementación dun
sistema de identificación biométrica para un gran volume de
usuarios. Finalmente, Celia Fernández Pérez por ‘Programación
dun nodo IoT autónomo con comunicación inalámbrica’ recibiu o
galardón GrEI 2020/2021.
Teresa
Alvariño Pereira, doutora en Enxeñaría Química e Ambiental e
xerente de Cetaqua Galicia, foi a encargada de pronunciar o relatorio
central do acto titulado Cerrando o círculo: novos modelos de
economía circular.