A FIC acollerá os vindeiros días un curso sobre hacking ético
xoves, 15 de outubro do 2015
A Universidade da Coruña e AN Centro de Formación,
en colaboración co CPEIG, a Facultade de Informática da Coruña e a
Escola de Especialidades Antonio de Escaño, van organizar os días
vindeiros (en outubro e tamén en novembro) unha actividade formativa
sobre seguridade TIC e prevención de riscos. Trátase
do Curso Hacking Ético e Auditoría Informática, unha acción
formativa de corenta horas repartidas en catro fins de semana e
orientada a técnicos e responsábeis da seguridade da información,
analistas forenses, peritos xudiciais e peritos informáticos.
Segundo informa a organización, “o hacking ético
é cada día máis solicitado polas empresas e neste curso poderemos
introducirnos nesta práctica TIC e nos xeitos que brinda de levar a
cabo auditorías”, auditorías que se por algo se caracterizan (de
aí o de “ético”) é por ocasionar o mínimo número de danos a
todos os implicados e por ter sempre un marcado carácter social e
solidario.
O curso celebrarase os días 23, 24, 30 e 31 de
outubro, e tamén os días 6, 7, 13 e 14 de novembro. O horario é de
17:00 a 21:00 os venres e de 9:00 a 15:00 os sábados. Celebrarase
na Facultade de Informática da Coruña (FIC). Contarase coa presenza
dos seguintes profesores-divulgadores (e expertos en hacking ético):
Pablo González Pérez (Eleven Paths), Daniel González Gutiérrez
(PwC España), Rafael Sánchez (Eleven Paths) e Miguel Ángel García
del Moral (Eleven Paths).