A Forxa: obradoiro galego de software libre para particulares, empresas, universidades e institucións
xoves, 18 de xaneiro do 2007
A plataforma mancomun.org, posta en marcha pola
Consellería de Innovación e a comunidade de desenvolvedores e usuarios de
software libre de Galiza, vén de presentar unha nova sección na web encamiñada
a potenciar –precisamente– o espírito deste tipo de programas na nosa terra e
conseguir un obradoiro de traballo coas “portas” abertas para axentes,
empresas, universidades, institucións e calquera persoa en xeral que estea
interesada en presentar e desenvolver un proxecto.
A Forxa, iniciativa posta a camiñar en
colaboración coa Universidade da Coruña (que se encargará dos labores de
dinamización, investigación e soporte), é un repositorio galego de open source aberto a todo tipo de
propostas.
O software empregado é a ferramenta colaborativa Gforge. A Forxa xa conta neste
intre cunha listaxe de usuarios
onde nos poderemos dar de alta se queremos achegar a nosa colaboración ou
proxecto.