A Gala Lvcvs Moda tivo unha gran repercusión nas redes sociais
xoves, 10 de maio do 2012
O pasado martes Lugo converteuse por terceiro ano consecutivo na capital galega
da pasarela, ao celebrarse alí a III edición da Gala Lvcvs Moda, que este ano contou por primeira vez con varios bloggers de renome a nivel nacional, para
seguir o evento en directo e transmitírllelo aos seus miles de seguidores na
Rede.
E é que no Salón Rexio do Círculo das Artes non collían máis de 600
convidados, e ninguén quería perderse o que ía sucedendo nesta Gala tan
importante para o mundo da moda en xeral, e para o lucenses en particular, polo
que os máis actualizados optaron por seguila a través das redes sociais, sobre
todo Twitter.
Paloma Abad (@palomaabad), blogger habitual do diario El País en temas de moda e
deseño, lembroulles aos seus preto de 5.000 seguidores que “Lugo
foi a capital galega do deseño”, algo que tamén foi a reseña principal da reputada
blogueira isasaweis.com (@isasaweis), que anda, nada menos que, polos 50.000 seguidores en
España.
Outra blogueira imprescindible nos eventos do sector téxtil que
tampouco faltou neste foi Diana, de di-pordior.blogspot.com (@dipordior), con 5.000
seguidores; ou a twitteira Erea Louro, de allthatshewantsblog (@EreaLouro), experta
en moda a quen os seus máis de 1.500 seguidores lle piden consellos á hora de
vestir ou marcar estilo.
Tampouco faltou o equipo de Bitácoras.com, que ilustrou con
numerosas fotografías os seus comentarios en tempo real, coas que os seus máis
de 250.000 usuarios tiveron unha completa crónica do evento.
A blogger responsable de theulifestyle.com, con más de 2.000
seguidores, viaxou tamén a Lugo desde Madrid para poder estar presente en la Lvcvs Moda, dende onde comentou, vía
Twitter (@SoJuls), o que ía sucedendo en directo en todo momento; igualmente, outra
responsable dunha firma de moda: @DcSusana, de dreamingofclothes.com, tamén
comentou a gala en directo, para que os seus seguidores en Twitter non perderan
detalle.
A maiores dos blogs particulares e dos medios de comunicación
on line, a gala podía ser seguida e comentada en Twitter, mediante o hashtag
@galalucusmoda; e en Instagram, Flickr e Facebook, a través da páxina da Deputación
de Lugo.
A hora e media que durou a Gala deron para publicar mensaxes,
máis de 50 fotografías e algúns vídeos, que se seguen a visionar días despois,
en plena resaca “téxtil”.
Ata 40 canles de televisión poderán emitir a Gala Lvcvs Moda
Malia que numerosos medios de comunicación lle deron cobertura á Gala, á Fundación TIC, dependente da
Deputación de Lugo non lle parece suficiente, e nesa noite desprazou a un amplo
equipo de técnicos e alumnos da súa Escola de Imaxe e Son, que gravaron
integramente o evento para distribuílo agora ao Centro de Contidos (CTC), unha
empresa pioneira na distribución audiovisual para a TDT que ofrecerá a Lucus
Moda dentro das máis de 5.000 horas de programación coas que conta.
Xa que logo, a peza audiovisual distribuirase a Telelugo, GTM Murcia, Oviedo TV, TCYL (Valladolid), Aquí TV
(Cantabria), Canal Antena Cáceres, Tele Huesca, ZTV (Zaragoza), Canal
Fuengirola, Canal Localia Coruña, Canal Localia Pontevedra, Canal Localia Vigo,
Canal Luz Huelva, Canal 4 (Navarra), Canal La Comarca TV (Teruel),
Cablemel TV (Melilla), Cancionero TV (Córdoba), Teledonosti (San Sebastián), 10
TV (Asturias), TVR (Rioja), Canal Bilbovisión (Bilbao), Canal D`EIVISSA I
FORMENTERA, Albacete TV, Canal Nuevo TV (Canarias), TeleSalnés (Pontevedra),
Onda Radio Navia (Luarca), Levante TV, Información TV (Alicante), Málaga TV,
Canal 21 La Opinión
(Granada), Canal Producciones Conquenses de TV (Cuenca), Correos TV (Santiago),
Telesevilla, Canal TEA TV Pontevedra, RTV Insular Canaria, Canal La Verdad Radio Tv, Onda
Azul Málaga RTVM, Canal Luz Sevilla e Canal TMV Valencia.