A Intelixencia Artificial e o emprego europeo centraron en Mariñán o primeiro Encontro ClubUE
xoves, 27 de xullo do 2023
A
primeira
edición do Encontro ClubUE finalizou este 21 de xullo no pazo de
Mariñán (Deputación da Coruña) despois de tres xornadas de
formación e intercambio nas que participaron 16 mozos e mozas
dos ClubUE de Europe Direct A Coruña e Europe Direct Asturias.
Durante o encontro, as persoas participantes puideron desenvolver
competencias non formais como a comunicación, o traballo en equipo e
a resolución creativa de problemas, aprender e debater sobre temas
de actualidade como a Intelixencia Artificial, e potenciar outras
habilidades, como son a busca de emprego dentro da Unión Europea ou
o deseño de proxectos europeos relacionados coa xuventude.
Esta
iniciativa dos centros Europe Direct A Coruña, pertencente á
Deputación da Coruña, e Europe Direct Asturias, da Federación
Asturiana de Concejos, pretende potenciar as competencias brandas da
mocidade e incidir na súa relevancia na formación nun ano, o 2023,
que foi designado pola Unión Europe como Ano Europeo das
Competencias.
A
maiores, a quedada puxo o foco nas oportunidades que ofrece Europa
nos eidos do voluntariado, a participación ou o emprendemento. O
programa incluÃu tamén actividades de ocio como o espectáculo A
Maxia de Europa ou unha visita guiada á cidade da Coruña.
O
ClubUE é un espazo virtual pensado para achegar a mozos e mozas as
oportunidades que existen dentro da UE e que foi creado por Europe
Direct A Coruña en decembro de 2020.
Europe
Direct Asturias replicou esta iniciativa no seu territorio en outubro
de 2022 e ambos centros teñen colaborado xa en varias actividades
que fomentan o intercambio de experiencias. Hai máis información
dispoñÃbel na
páxina web da Deputación da Coruña.
