A LaconNetwork viaxa a Noia o vindeiro venres
martes, 2 de abril do 2013
O “momento gástrico de
cada último venres do mes dos albaneis da nube, emprendedores, Internet e cloud
computing” coñecido como LaconNetwork continúa a desprazar a súa
celebración ao primeiro venres do mes seguinte, de xeito que o vindeiro venres
celebrará a súa edición número 37, volvendo á vila de Noia, á que xa fora a
parar esta xira de encontros de profesionais e emprendedores do sector TIC en
xuño de 2011, escolléndose como enclave o restaurante Marico, no número
32 da rúa de Galicia.
Os interesados en asistir a este evento deberán inscribirse e aboar os 18 euros
en concepto dun xantar que estará composto por pinchos fríos (embutidos, lagostinos
katafi, crema de mexillóns e piruleta
de rulo de cabra), pinchos quentes (revolto de cogomelos e lagostinos en cuncha
de follado, xamón asado en salsa e ensalada quente) e sobremesas.