A NBC prepara o seu propio servizo de descarga de series televisivas

A canle televisiva NBC estaba a negociar con Amazon a posibilidade de publicar no seu servizo de pago Unbox as súas series de ficción, pero agora dende The New York Times afirman que cambian a súa estratexia e lanzarán NBC Direct, que será un servizo de descargas que entraría en fase de probas en outubro para o seu lanzamento operativo en novembro.
O servizo funcionaría en ordenadores con Windows e permitiría a descarga de episodios completos que se poderán ver ata 7 días despois da súa descarga (cando caducan). Esta plataforma podería converterse a un modelo semellante a iTunes a mediados de 2008, co que a compañía evitaría intermediarios na comercialización dos seus contidos.