A ONCE convoca a quinta edición do seu Premio Internacional de I+D

Co obxectivo de estimular a promoción de investigacións científico-técnicas que permitan corrixir ou superar as limitacións das persoas cegas ou deficientes visuais, a organización ONCE vén de convocar a quinta edición do Premio Internacional ONCE de I+D en Novas Tecnoloxías que vai encamiñado a recoñecer sobre todo a utilidade práctica das investigacións.
O devandito premio, dotado con 240.000 euros, está dirixido ás áreas de enxeñería, intelixencia artificial, informática, telecomunicacións, tecnoloxía micro e nanotecnoloxía (preferentemente en eidos como aplicacións software para o acceso á información), accesibilidade ós espazos de software libre, aplicacións de recoñecemento de caracteres, software educativo e lúdico, PDA´s e telefonía móbil, domótica...
Os proxectos poderán presentarse en español ou inglés e o prazo de recepción de traballos (que xa está aberto) finaliza o vindeiro 5 de setembro de 2008.